Жаңалық - Қазақстан жаңалықтары

новость от 03.10.2019

40 миллиардтан астам доллар немесе 15 триллионнан астам теңге – бұл Қазақстанның мемлекеттік қарызы. Бұл Tengrinews.kz-тің ресми сұрауына Қаржы министрлігінің жауабы.Мемлекеттік қарыздың бұл сомасы 2019 жылдың 1 шілдесінде қалыптасты. Министрлік 31 миллиард доллар немесе оның 12 триллионнан астам теңгесі үкіметтің қарызы екенін нақтылады. Оның ішінде сыртқы қарыз – 5,4 трлн теңге (14 млрд доллар), ал ішкі – 6,7 трлн теңге (17 млрд доллар). Үкіметтің сыртқы қарызы
Сыртқы мемлекеттік қарыздың жалпы көлемінің 2,3 трлн теңгесі – халықаралық қаржы ұйымдары берген несие. Олардың қатарында Халықаралық қайта құру және даму банкі, Еуропалық қайта құру және даму банкі, Азия даму банкі және Ислам даму банкі. Жалпы сыртқы қарыздың еурооблигациялары 2,9 трлн теңгені құрайды.
Үкіметтің шетелдік коммерциялық банктерге, шет мемлекеттердің үкіметтік ұйымдарына сыртқы қарызы 253 млрд теңгені құрайды. Олардың қатарына Араб экономикалық дамуының Кувейт Қоры, Абу-Даби даму Қоры, Жапонияның халықаралық ынтымақтастық агенттігі және Германия үкіметінің несиелік агенттігі кіреді. Қаржы министрлігі үкіметтің қарызы республикалық бюджеттен қайтарылатындығын еске салды.
Қазақстанға кім қарыз
Шет мемлекеттерге келетін болсақ, қазіргі уақытта Қазақстанға тек Грузия қарыз. Негізгі қарыз – 25,4 миллион доллар. Қаржы министрлігі Грузия елдегі қиын экономикалық жағдайға байланысты төлем жасауды уақытша тоқтатып, 2017 жылы бұл қарыз қайта құрылымдалғанын айтты.
«Негізгі қарыз өзгеріссіз қалды, бірақ өтеу мерзімі мен шарттары қайта қаралды – 2017 жылдан 2025 жылға дейін. Төлемдердің жалпы сомасы 37,9 миллион долларды құрайды. Қазіргі уақытта төлемдер уақтылы және толық көлемде жүзеге асырылуда. Ағымдағы жылдың қыркүйегіндегі жағдай бойынша Қазақстанға басқа мемлекеттердің қарыздары жоқ», - деп толықтырды Қаржы министрлігі.