новости - Новости компании

новость от 08.09.2019

Бірінші сыныпқа баратын әрбір бала үшін бұл есте қаларлықтай сәт! Шымкент су арнасының басшылығы мектеп табалдырығын аттағалы тұрған бүлдіршіндер дайындығына өз үлесін қосуды ұйғарды. 1 қыркүйек қарсаңында бірінші сыныпқа баратын 80 бала, яғни кәсіпорын қызметкерлерінің балалары үшін кең көлемді мереке ұйымдастырды.

Оқушылар сарайынан келген жас өрендер бұл ерекше шараны өткізуге таптырмас көмек көрсетті. «Балдәурен» би тобының қатысушылары балаларға арналған нағыз шоу қойды. Айталық, мерекеге қатысушы бірінші сынып оқушыларының өздері мерекенің белсенді қатысушылары болды – олар өлең оқып, ән айтты. Ал ата-аналар мен су арнасы басшылары бірінші сынып оқушыларына мектепке бару – бұл әр баланың өміріндегі маңызды сәттердің бірі екендігін айтып, ақ тілектерін білдірді. Қауырт жұмыс кестесіне қарамастан «Су ресурстары-Маркетинг» ЖШС-нің барлық басшылары балаларды құттықтауға қатысты. Мерекелік бағдарламадан кейін балаларға күнделікті және мектеп өміріне қажетті сыйлықтар таратылды.

Жалпы «Су ресурстары-Маркетинг» ЖШС-і мекемеміздегі 54 көпбалалы отбасыға қаржылай көмек көрсетіп келеді. Әлеуметтік мәселелерге көңіл бөлу кәсіпорын бағытында басымдыққа ие.