.png){kind=icon}
новости - Полезные советы
новость от 17.09.2019
Біріншіден, зардап шегушіні электр тогының әсерінен тез арада ажырату керек. Электр тогымен тікелей байланыстағы адамға қол тигізу өмірге қауіп төндіреді. Сондықтан ең алдымен электр тогын беріп тұрған қондырғыны тез өшіру керек. Мүмкіндігінше металл заттарға және дененің ашық жерлеріне қол тигізбей, құрғақ киімді, тақтайды, электр тогын өткізбейтін басқа да заттарды қолданып немесе киімінен (егер құрғақ болса) ұстап, зардап шеккен адамды сымнан босату керек.
Әрі қарай жәбірленушіні арқасымен қатты жерге жатқызып, тыныс алуын және пульсін тексеру қажет. Барлық жағдайда жедел жәрдем шақырылуы тиіс.
Есін жоғалтқан, бірақ тұрақты тынысы мен пульсі бар адамды жатқызып, таза ауаның келуін қамтамасыз ету үшін киімін босатып, мұрнына нашатыр спиртіне малынған мақтаны тосып, бетіне су шашып, тыныштықты қамтамасыз ету керек.
Егер жәбірленушінің тыныс алуы нашар болса (өте сирек және конвульсивті), онда жасанды тыныс алу мен жүрек массажы қажет. Жасанды тыныс алу дәрігердің келуіне дейін үздіксіз жалғасуы керек.
голосование
