Жаңалық - Компания жаңалықтары

новость от 26.02.2020

Атырау Шымкенттен үйренеді
Бірнеше жыл бұрын «Су ресурстары-Маркетинг» ЖШС-і ағынды суларды тазарту қондырғысын толық қайта құрудан өткізіп, қуатын арттырды. Биогаз қондырғысы іске қосылды, ол қазіргі уақытта Орталық Азияда жалғыз болып табылады. Кәсіпорынның негізгі ресурсы – білікті мамандар. Мұнда жыл сайын ондаған мамандар пайдалы тәжірибе алу үшін келеді.
Шымкентке Атыраудан делегация келді. Оның құрамында инженерлер, лаборанттар, технологтар және басқа да мамандар. Батыс Қазақстандық әріптестердің басты міндеті – Шымкент су арнасы жұмысшыларының тәжірибесін үйрену. Шымкенттегі тазарту қондырғылары техникалық жағынан ең озық саналады.
Өткен жылы Атырау су арнасына бірқатар экологиялық заңбұзушылықтар бойынша айып тағылып, нәтижесінде кәсіпорынға миллиардтаған айыппұлдар салынды. Жаңа жылдан бастап нысан «Атырау облысы су арнасы» МҚК басқаруына алынды. Жалпы, Атыраудағы қалалық сумен жабдықтау және су бұру желілері шамамен 250 мың адамға қызмет көрсетеді.
Атыраулық мамандар бір апта бойы Шымкентте болды. Осы уақыт ішінде олар қалалық тазарту қондырғыларының жұмысын мұқият зерттеді. Сапардың алғашқы күнінде-ақ қонақтар осы қондырғыға барды. Олар бүкіл процесті – ағынды суларды механикалық және биологиялық тазарту, зертханалық зерттеулер, қалдық лайқаны сақтау және осыған байланысты барлық процестер қызықтырды. Шымкент су арнасының басшылығы әріптестердің ағынды суларды тазарту туралы толық ақпарат алуына жағдай жасады.