Жаңалық - Қазақстан жаңалықтары

новость от 04.03.2020

Экология вице-министрі тағайындалды
ҚР Үкіметінің қаулысымен Брекешев Серікқали Аманғалиұлы Қазақстан Республикасы Экология, геология және табиғи ресурстар вице-министрі қызметіне тағайындалды.
Серікқали Брекешев 1972 жылы 14 қазанда Павлодар қаласында дүниеге келген. 1995 жылы Атырау политехникалық институтын мұнай және газ кен орындары мамандығы бойынша бітірді.
1995-2007 жылдар аралығында «Қазақстан-Ресей сауда үйі» БК бас экономисі, бас директорының орынбасары, Ақтау Салық департаментінің пайдалану бөлімінің инспекторы, «Маңғыстаумұнайгаз» АҚ «Мұнайгермес» материалдық-техникалық қамтамасыз ету және өнімді сату бөлімінің арнайы жабдықтар мен қосалқы бөлшектерді тасымалдау департаментінің инженері, пайдалану инженері, кен орнында мұнай өндіру шебері және «Қарақұдықмұнай» ЖАҚ кен орнының менеджері қызметтерін атқарған.
2007-2014 жылдары энергетика және минералды ресурстар, мұнай және газ министрліктерінде жоғары лауазымдарда жұмыс істеді. 2015 жылдан бастап «ҚазТрансГаз» АҚ құрылымында келесі қызметтерде жұмыс істеді – техникалық саясат департаментінің директоры, ГТС менеджментінің басқарушы директоры, техникалық саясаттың басқарушы директоры, өндірістік-техникалық департаментінің директоры және бас директордың техникалық саясат жөніндегі орынбасары.