Жаңалық - Компания жаңалықтары

новость от 12.05.2020

Шымкент қаласының мекемелері мен кәсіпорындары "Су ресурстары-Маркетинг " ЖШС-іне тұтынған су үшін 176 миллион теңге қарыздар.
Коронавирус пандемиясы экономиканың барлық секторларына соққы жасады. Көптеген кәсіпкерлер төтенше жағдайға байланысты өз қызметін уақытша тоқтатты. Жалпы алғанда қала бойынша 1800 мекеме тұтынған су үшін қарыздар. "Су ресурстары-Маркетинг " ЖШС-і жеке тəртіппен əрбір тұтынушының төлемді кейінге қалдыру туралы өтінішін қарастыруда. Өз кезегінде біздің мекеме төтенше жағдай кезінде бір де бір нысанға қарыздарына қарамастан су беруді тоқтатқан жоқ. Егер кәсіпорын немесе ұйым қарызды өтеу кестесін ұсынса, біз міндетті түрде оны қарастырамыз. Пандемия кезінде көптеген мекеменің жұмысы қиындағанын түсінеміз. Кейбіреулері жабылуға мәжбүр болды.
Сонымен қатар, "Су ресурстары-Маркетинг " ЖШС-і өмірді қамтамасыз ету кəсіпорындары санатына жатады. Біз тәулік бойы қызмет көрсетеміз. Табыстың жалғыз көзі болып тұтынушылардың пайдаланған қызметтері үшін төлемдері табылады. Онсыз біз уақтылы электр энергиясы үшін төлей алмаймыз, реагенттер, қосымша бөлшектер мен құрал - жабдық сатып ала алмаймыз жəне қызметкерлерге жалақысын төлей алмаймыз.