Жаңалық - Аймақ жаңалықтары

новость от 12.05.2020

Барлығы 5 елді мекенді толығымен су басқан, онда 6128 адам тұрады. Секундына 20 шаршы метр қуаттылығымен суды Арнасай қуысына жіберу үшін өзбек апаттық бригадалары Жетісай ауданындағы Қоғалы елді мекені жанынан арна қазды. Құтқарушылар айтуынша, Өзбекстан жағынан су келуі тоқтады. Бұл су кетеді деген сөз, кей жерде оны мотопомпалар мен сорғылармен тартуға болады. Су сору бойынша үлкен жұмыс күтуде, өйткені аймаққа бірнеше күн ішінде шамамен 300 миллион шаршы метр су келді. Бұл жұмысқа Қазақстан аймақтары мен қалалары қосылуға дайын. Қызылорда, Жамбыл облыстары мен Шымкент қаласынан көмекке 30 мотопомпа жіберілді. Жалпы алғанда құтқару жұмыстарына 900 адам жəне 180 техника құралдары тартылды. Су басу қаупі бар елді мекендерде бөгеттер белсенді жасалуда. Үйлерін тастап кетуге мәжбүр болған адамдар барлық қажетті нәрселермен қамтамасыз етілуде. Эвакуация пункттерінде балалардың қашықтықтан оқытылуы ұйымдастырылды. Білім басқармасы балаларды оқу процесіне қажетті құралдармен қамтамасыз етті. Мақтарал ауданының мұғалімдері көмек көрсетуге дайын. Түркістан облысының бір де бір тұрғыны назарсыз қалмайды.