Жаңалық - Компания жаңалықтары

новость от 04.06.2020

Шымкентте сумен жабдықтау жүйесінің он-лайн цифрлық гидравликалық моделі енгізілуде
«Су ресурстары-Маркетинг» ЖШС-ң мамандары және «Uros» фин компаниясы цифрлық технологиялар негізінде гидравликалық модельдеу бойынша жұмыстарды осы жылдың соңына дейін аяқтауды жоспарлап отыр. Қазір ақпараттық жүйелерді мәліметтер массивімен толтыру жүріп жатыр. Шымкент су арнасы бұл бағыттағы жұмысты Қазақстан бойынша алғашқы болып бастауда.
Цифрлық гидравликалық модельді енгізу көптеген артықшылықтарға ие. Біріншіден, сумен жабдықтау қызметтерінің сапасы артады. Операторлар барлық қажетті ақпаратты он-лайн арқылы ала алады, бұл өз кезегінде мәселелерді тез шешуге мүмкіндік береді. Мысалы, судың қысымына байланысты.
Гидравликалық модель судың жасырын шығындарын анықтайды. Әлемдегі су қызметтерін ұсынатын көптеген ұйымдар үшін бұл ағып кетулер нағыз апат болып табылады. Гидравликалық модель өндірістік және инвестициялық шығындарды азайтуға және айтарлықтай ақша үнемдеуге мүмкіндік береді.
Финляндиялық серіктестер жүйе Шымкентте апробациядан өткеннен кейін Қазақстанның басқа қалаларының су арналары, сондай-ақ көрші елдердің кәсіпорындары технологияға қызығушылық танытатынына сенімді.