Жаңалық - Компания жаңалықтары

новость от 07.06.2020

Су өткізгіштер мен коллекторларды қалпына келтіргеннен кейін жолды қалпына келтіру
«Су ресурстары-Маркетинг» ЖШС – өндірістік қызметі мемлекеттік реттеуге жататын және ауыз суды үздіксіз алуға, өндіруге, тасымалдауға және тұтынушыларға таратуға, сонымен қатар Шымкент қаласында тұтынушылардан ағынды суларды қабылдауға тазартуға және төгуге бағытталған кәсіпорын.
Сумен жабдықтау және кәріз желілерінің техникалық жағдайын талдау Шымкент қаласында сумен жабдықтау және су бұру жүйесінің моральдық және техникалық тозу деңгейінің өсуі жалғасып жатқандығын көрсетеді. «Су ресурстары-Маркетинг» ЖШС-нің сумен жабдықтау желілеріндегі тозу 47%-ды құрайды, ал кәріз желілері бойынша – 76%.
«Су ресурстары-Маркетинг» ЖШС-і жаңа су және кәріз желілерін салуға қатыспайды. Компания өз балансында тұрған құбырларды пайдаланады және қайта жаңартады. Қайта құру бекітілген инвестициялық жоспарларға сәйкес жүзеге асырылады. Жұмысты ашық тендерге сәйкес таңдалған мердігерлер жүзеге асырады. Кепілдік мерзімі – 10 жыл. Осы уақыт ішінде, проблемалар туындаған жағдайда, оларды белгіленген мерзімде жоюға міндеттенеді.
Кейбір жағдайларда азаматтар жұмыс жүргізу және жол жамылғысын қалпына келтіру кезінде шағымдарын айтады. «Су ресурстары-Маркетинг» ЖШС-і күрделі құрылыс бөлімінің бастығы Бұлан Тұрлыбеков жөнделетін учаскелерді асфальттау туралы сұрақтарға жауап берді: «Құбыр салғаннан кейін асфальт төсеу мәселесінің бірі – Шымкент қаласындағы геологияға сәйкес 2 типті топырақтың шөгуі. Қалпына келтіру барлық нормативтік ережелерді сақтай отырып жүргізілуде, яғни құбырларды төсегеннен кейін қабаттасу жүргізіледі және қиыршық-құм қоспасынан (ГПС) әзірленген асфальтбетон жабыны үшін негіз қаланады. Осыдан кейін ыстық, ұсақ түйіршікті асфальтбетон массасы тығыздалатын каток көмегімен төселеді. Бұл жұмыс белгілі бір уақытты және технологиялық процестерді қажет етеді. Әсіресе, жауын-шашыннан кейін дайындалған жерлер отырады, сондықтан біз қала тұрғындарынан туындаған уақытша қолайсыздықтарға түсіністікпен қарауларын сұраймыз».