Жаңалық - Қазақстан жаңалықтары

новость от 11.06.2020

2023 жылға қарай Жамбыл облысының барлық тұрғындарын ауыз сумен қамтамасыз ету жоспарланған
Жамбыл облысының 50 ауылында су құбырлары өткізілуде. Бүгінгі таңда облыс елді мекендерінің 57,8 пайызы орталықтандырылған сумен қамтамасыз етілген, деп хабарлайды Жамбыл облысы әкімінің баспасөз қызметі. 2023 жылы облыстың барлық тұрғындарын ауыз сумен қамтамасыз ету жоспарланған. Биыл 17,4 млрд.теңге сомасында 50 сумен жабдықтау нысаны салынуда, бұл 2019 жылмен салыстырғанда 2,5 есе көп. Жыл соңына дейін 34 нысан пайдалануға беріледі. Бұл қаражат өңірлерді дамыту бағдарламасы мен жұмыспен қамтудың жол картасы аясында бөлінді. 2021 жылдан 2023 жылға дейін басқа 84 елді мекенге жүздеген шақырым су тартылады. Осылайша, 2023 жылы облыстың барлық тұрғындары таза ауыз сумен қамтамасыз етіледі.