Жаңалық - Аймақ жаңалықтары

новость от 16.06.2020

Зерттеуші Шымкент қаласының жолдарындағы апаттар жиі болатын геопатогендік орындардың картасын жасады
Шымкенттік әмбебап ғалым, КСРО және Қазақстан Республикасының бірқатар инновациялық патенттерінің иегері, М.Әуезов атындағы ОҚМУ агроөнеркәсіптік кешенінің ғылыми-зерттеу зертханасының меңгерушісі Мұсатилла Тоханов ұзақ жылдар бойы Шымкент тас жолдарындағы жол-көлік оқиғаларына әсер ететін геомагниттік толқындарды зерттеп келді. Ол биолокациялық әдісті қолдана отырып, геопатогендік аймақтарды тексерді және статистика бойынша ең көп төтенше жағдай геомагниттік толқындар аймақтарында болатынын анықтады. Мұндай аймаққа түскен жүргізуші жалпы әлсіздік, ұйқышылдықты сезіне бастайды және өзінің және басқа көліктің ара қашықтығын уақытылы бағалай алмайды. Бір секундқа ол бағдардан айрылады. Нәтижесінде апат болуы мүмкін. Адамдар мұндай жерлерді «қанды» деп атайды.
Зерттеуші Шымкент қаласының жолдарындағы апаттар жиі орын алатын геопатогендік орындардың картасын жасады. Төтенше жағдайлардың алдын алу үшін ғалым проблемалық аймақтың ұзындығын көрсететін (10 м-ден 100 км-ге дейін), сондай-ақ «40-50 жылдамдық» белгісін , «Қауіпті геопатогендік сәуле», «Жоғары геомагниттік толқындар» жаңа ескерту жол белгілерін енгізуді ұсынады. Олар жолдың қауіпті учаскелерінің басында және соңында орналасуы керек.Тоқанов сонымен қатар геопатогендік аймақ туралы ескерту жасайтын жаяу жүргінші белгілерін де орнатуды ұсынады. Жаяу жүргіншілер де осындай жерлер туралы біліп, сергек болулары керек.