Жаңалық - Әлем жаңалықтары

новость от 26.06.2020

Әзірбайжандағы су тапшылығы
Баку тұрғындары су тапшылығынан қорқып үй шатырларында қайтадан су бактарын орната бастады. «Azərsu» ААҚ-ң қоғамдастықпен байланыс бөлімінің басшысы Анар Джабраиллы шын мәнінде Бакуда кейде сумен қамтамасыз ету проблемалары туындайтынын айтты. Дегенмен, оның айтуынша, жақын арада бұл мәселе өз шешімін табады.
Бакудағы су тапшылығының бірнеше себептері бар. Ең алдымен, бұл астана халқы санының өсуі және елдің су қорларының жалпы азаюы. Бұл проблемаға ғалымдар тартылған. Мәселені шешудің бір жолы – Каспий теңізінің жағалауында теңіз суын тұзсыздандыру бойынша ірі зауыт жұмыс істеуде. Бүгінгі таңда ол өндіріп жатқан су ішуге жарамсыз болса да, зауыттың таза су өндіруге қуаты жеткілікті. «Біз әзірше суды ондай сапаға дейін тазартып жатқан жоқпыз. Бірақ суды қосымша сүзгілеуден өткізсек, оны ауыз су ретінде қолдануға болады», - дейді мекеме өкілі.
Суды үнемдеудің тағы бір жолы – тарифтерді өзгерту. Халықты суды үнемдеуге үйрету қажет. Мысалы, тұтынған су үшін сараланған төлемді енгізу арқылы.
Жылдар бойы Әзірбайжанның су қорларының 70%-ы елден тыс қалыптасқан. Су тапшылығы соңғы кезде пайда болды. Жауын-шашынның аздығынан су қорлары сарқылды. Мәселені шешуге тек суды тиімді үнемдеу көмектеседі.