Жаңалық - Компания жаңалықтары

новость от 26.07.2020

Заңды және тазалықты бұзушылар жазалануы керек
26 шілдеде Инстаграмдағы «Критика Шымкента» порталында Қарасу арнасына ағынды сулардың төгілуі туралы мақала жарияланды. 27 шілде күні таңертең «Су ресурстары-Маркетинг» ЖШС-і кәріз желілеріне техникалық қызмет көрсету бөлімінің мамандары учаскелік полиция инспекторымен және экология бөлімінің өкілімен бірге сол жерге барып, сараптама жүргізді. Құбырды жабу туралы шешім қабылданды. Қарасу маңындағы сауда нысандарына тексеру жүргізілуде.
Осындай фактілер анықталған жағдайда, сізден тиісті мемлекеттік органдарға жүгінуіңізді сұраймыз. Мысалы, Шымкент қаласының экология департаментіне. Телефоны 56 60 02. Заңды және тазалықты бұзушылар жазалануы керек.
Қазақстан Республикасының Әкімшілік құқық бұзушылық туралы кодексінің «Өндіріс және тұтыну қалдықтарын өңдеу, сондай-ақ сарқынды суларды төгу талаптарын бұзу» 344-бабы жеке тұлғаларға ескерту жасауды немесе лауазымды адамдар мен шағын бизнес субъектілері немесе коммерциялық емес ұйымдарға – жиырма, орта бизнеске – отыз айлық есептік көрсеткіш мөлшерінде, ірі кәсіпкерлік субъектілері үшін – қоршаған ортаға келтірілген залал мөлшерінде айыппұл салуды көздейді.