Жаңалық - Компания жаңалықтары

новость от 02.09.2020

Судың сапасын бақылау
Қала тұрғындарының үйлеріне кірмес бұрын ауыз су ұзақ жол өтеді. Осы уақыт ішінде судың мүлдем қауіпсіз және таза болуы өте маңызды. Мұны бірқатар мамандар қадағалайды. Ауыз судың негізгі бөлігі - 90%-ы Ақбай-Қарасу су қабылдағышында өндіріледі. Ай сайын «Су ресурстары-Маркетинг» ЖШС-і зертханасының мамандары арнайы зерттеулер үшін сынама алуды жүргізеді. Бұл "№209 санитарлық ережелер" нормативтік-құқықтық құжатымен реттелетін рәсім.
Біздің су керемет, ол адам үшін барлық қажетті және пайдалы микроэлементтерге ие. Бірақ оны ұңғымадан көтергеннен кейін, су құбыры бойымен қозғалу кезінде оған зиянды микроорганизмдер түспеуі үшін су зарарсыздандыру станциясы арқылы өтеді.
Су қалалық тарату желісіне кіргеннен кейін судың сапасын бақылау жұмыстары жалғасады. Ол күнделікті негізде жүргізіледі, сынамалар қоғамдық орындарда: мектептерде, балабақшаларда, қоғамдық моншаларда және басқа да орындарда іріктеледі.
«Қалада 121 бақылау нүктесі бар, онда біз күн сайын зерттеу үшін сынама аламыз. Біз судың органолептикалық құрамын және зиянды бактериялардың болуын зерттейміз»,-деді «Су ресурстары-Маркетинг» ЖШС-і зертханасының жетекшісі Гүлжан Жауылбаева
Шымкент суы Қазақстандағы ең үздіктердің бірі болып саналады. Дегенмен, оның санитарлық қауіпсіздігіне мұқият мониторинг жүргізу қажет. Ал су арнасы зертханасы мұны сәтті атқаруда.