Жаңалық - Микс

новость от 28.09.2020

Экология, геология және табиғи ресурстар министрі Мағзұм Мырзағалиев "Алтын Емел" мемлекеттік ұлттық табиғи паркінде алғаш рет көзге түскен қар барысының фото, видеоларымен бөлісті.
«Жақсы жаңалықпен бөліскім келіп отыр: "Алтын Емел" мемлекеттік ұлттық табиғи паркінде алғаш рет қар барысы байқалды. Жануар фототұзақ объективіне ілінген”, - деп жазды министр Twitter парақшасында.
Орта Азияда сирек кездесетін сүтқоректі көктемде "Сайрам Өгем" ұлттық паркінде де көрініп еді. Министрдің сөзінше, жойылып кету алдында тұрған сұлу жануардың саны әлемде бар болғаны 4 мыңдай ғана. Қазақстан аумағында 130 жуық қар барысы бар. Қазақстанның ерекше қорғалатын 13 аймағына 294 фототұзақ орнатылған.
"Барыстың көзге түсуі - ерекше құбылыс. Біз сирек кездесетін жануарларды барынша қорғауымыз керек " - деп жазды Мағзұм Мырзағалиев.