Жаңалық - Әлем жаңалықтары

новость от 07.10.2020

Қазақстанның су ресурстарын басқару жөніндегі жұмысы бағаланды
Женевада Трансшекаралық су ағындары мен халықаралық көлдерді қорғау және пайдалану туралы конвенцияның Су ресурстарын ықпалдасып басқару жөніндегі жұмыс тобының он бесінші отырысы өтті. Әлемнің 180 елінен келген қатысушылар кездесуге қашықтықтан және офлайн қатыса алды.
Халықаралық диалог барысында Қазақстан өкілдері онлайн-режимде Трансшекаралық сулар жөніндегі конвенцияның рөлін арттыру және оны жаһандық деңгейде қолдану аясын кеңейту бойынша ел қабылдап жатқан шараларды атап өтті, сондай-ақ жаңа елдерді оған қосылу мүмкіндігін қарастыруға шақырды.
Жұмыс тобы Қазақстанның бастамалары мен елдің трансшекаралық контексте су ресурстарын орнықты және әділ бөлу жөніндегі басшылықты әзірлеу процесіне қосқан үлесін жоғары бағалады. Сонымен қатар Су саясаты бойынша ұлттық диалогты (ССҰД) орындаудағы ілгерілеушілік атап өтілді, ол Қазақстанда іске қосылған сәттен бастап су ресурстарын басқару мәселелері бойынша елдің түрлі секторлары арасындағы өзара іс-қимылды қамтамасыз ететін тиімді құралға айналды.
Қазақстан су ресурстарын ықпалдасып басқару жөніндегі жұмыс тобы сарапшыларының жоғары бағасына ие болды.