Жаңалық - Қазақстан жаңалықтары

новость от 05.11.2020

Экология министрлігінің мемлекеттік қызметтері 100% электронды форматқа көшірілді
Қазақстан Республикасы Экология, геология және табиғи ресурстар министрлігі өзінің 100% мемлекеттік қызметтерін электронды форматқа ауыстыруды қамтамасыз етті. Мәселен, мемлекеттік қызметтердің жаңартылған тізіліміне сәйкес министрлікке 42 қызмет бекітілген, олардың барлығы автоматтандырылған.
Министрлік қызметтерді автоматтандырып ғана емес, тек электронды түрде ұсынуға әрекет етуде. Сонымен, егер 2019 жылы қағаз баламасыз тек 28 қызмет электронды түрде көрсетілсе, енді 37 мемлекеттік қызмет (88%) көрсетілетін болады.
Министрліктің мемлекеттік қызметтерін дамытудың келесі бағыты қолданыстағы бизнес-процестерді оңтайландыру және биометриялық аутентификация сияқты технологияларды енгізу болады.