Жаңалық - Компания жаңалықтары

новость от 10.12.2020

Виртуалды көмекші «Су ресурстары-Маркетинг» ЖШС-де іске қосылды
Абоненттерге ыңғайлы болу үшін «Су ресурстары-Маркетинг» ЖШС-і виртуалды көмекшіні іске қосты. Чатбот «Telegram» қосымшасында жұмыс істей бастады, тұтынушылар жаңа опцияны пайдаланып, оның артықшылықтарын бағалай алады.
Кәсіпорынның бас директоры Анарбек Орман виртуалды көмекшінің іске қосылуы туралы журналистерге хабарлады. «Telegram» қосымшасына кіріп, іздеуде wrm_bot теріп, содан кейін жазылушының тілі мен түрін таңдау керек. Сәйкестендіру үшін жеке тұлғалар өздерінің жеке шот нөмірлерін (мұны сумен жабдықтау және су бұру бойынша қызметтер үшін бірыңғай төлем құжатынан, тиісті бағаннан табуға болады) және үйдің нөмірін енгізуі керек. Тіркеуден кейін пайдаланушыға: ағымдағы қарыз (баланс) туралы ақпарат, мекеме қызметтері үшін шот-фактураны онлайн төлеу, соңғы төлемдер туралы мәліметтер, есептегіш туралы ақпарат (орнату күні, тексеру уақыты және т.б.), түбіртек, көрсеткіштерді жіберу мүмкіндігі (есептеу құралдары пәтерде немесе үйде тұрған абоненттер үшін). Өзінің жеке профилінде иесі жеке деректерін өзгерте алады.
«Виртуалды көмекші» опциясын кәсіпкерлер де қолдана алады. Заңды тұлғалар үшін тіркеу бірегей келісімшарт нөмірі арқылы жүзеге асырылады. Тіркелгеннен кейін пайдаланушы қалдық туралы мәліметтерге және төлем туралы ақпаратқа, өткен есеп айындағы орындалған жұмыс актісіне, ағымдағы жыл кезеңіндегі салыстыру актісіне, келісімшарт бойынша төлем үшін шот-фактураға қол жеткізе алады. Заңды тұлғалар да есепке алу құралдарының фотосуреттерін жібере алады.
Жақын арада, «Су ресурстары-Маркетинг» ЖШС-ң автоматтандырылған басқару жүйелері бөлімінің бастығы Нұралы Бекбаевтың айтуынша, WhatsApp қосымшасында да чат-боттың тиісті нұсқасы пайда болады.
Виртуалды көмекшінің арқасында абоненттер көп уақытты үнемдей алады, үйден шықпай-ақ сумен жабдықтау және су бұру қызметтері үшін ақы төлей алады. Қажетті ақпаратты және су есептегішін тексеру уақытын дер кезінде біле алады.
Егер чат-ботты пайдалану туралы сұрақтарыңыз болса, бізге әлеуметтік желілерде немесе WhatsApp +77057581111, +77019892219 нөмірлері арқылы жаза аласыз.