Жаңалық - Компания жаңалықтары

новость от 11.12.2020

Анарбек Орман БАҚ өкілдерімен кездесті
«Су ресурстары-Маркетинг» ЖШС-ң бас директоры Анарбек Орман қалалық және республикалық басылымдардың журналистерімен кездесті. Кездесу барысында кәсіпорын басшысы қазіргі жағдай, инновациялар мен тарифтер туралы айтты.
Қазіргі уақытта мекеме өкілдері абоненттік базаны түгендеуді аяқтауда. Осы іс-шара шеңберінде тұтынушылардан Telegram және WhatsApp қосымшалары арқылы электрондық түбіртектерді алуға байланысты қосымша келісім жасасу сұралды.
«Су ресурстары-Маркетинг» ЖШС-ң бас директоры тарифтерді көтеру мәселесіне тоқталды. Соңғы тарифтік смета 2016 жылы бекітілген. Бірақ бес жыл ішінде мекеме өз қызметтерінің құнын көтерген жоқ, керісінше, тарифтердің төмендеуі байқалды. Тарифтік сметаны келесі қарау 2021 жылдың шілдесінде өтуі керек.
«Су ресурстары-Маркетинг» ЖШС-ң әкімшілігі өндірістік процестерді цифрландыруды енгізуді жалғастыруда, «Smart-Maman» мамандандырылған оқу орталығында менеджмент пен орта буын кадрларын даярлау белсенді түрде жүргізілуде. Мұның бәрі қала тұрғындарының сумен жабдықтау және су бұру саласында сапалы қызмет алуы үшін жасалуда.