Жаңалық - Қазақстан жаңалықтары

новость от 20.12.2020

Қазақстан трансшекаралық контексте су ресурстарын бөлу бойынша Жетекші құжатты әзірлеуге қатысады
Нұр-Сұлтанда ҚР Экология, геология және табиғи ресурстар министрінің орынбасары Ерлан Нысанбаевтың қатысуымен Қазақстанның трансшекаралық өзендер мен халықаралық көлдерді пайдаланудың Конвенция бюросына төрағалық ету бойынша Жұмыс тобының екінші отырысы өтті.
Онлайн-кездесу барысында елдің Конвенция бюросына төрағалық етуі аясындағы атқарылған жұмыстар атап өтілді. Қазақстанның трансшекаралық контексте су ресурстарын бөлу бойынша Жетекші құжатты әзірлеуге қатысатыны айтылды. Бұл бағытта Қазақстан басқа елдердің су бөлу бойынша тәжірибесін ескере отырып зерттеу дайындап жатыр. Олардың ішінде Ресей, Қытай, Моңғолия, Түркіменстан мемлекеттері бар. Зерттеу нәтижелері дайындалатын Жетекші құжаттың маңызды бөлігі болмақ.