Жаңалық - Аймақ жаңалықтары

новость от 11.01.2021

Шымкентте 35 мыңға жуық тұрғын сапалы ауыз сумен қамтылып, қуанышқа кенелді
Шымкент қаласының Энергетика және коммуналдық шаруашылық басқармасының мәліметінше, бұдан бөлек өткен жылы мегаполис тұрғындарын ауыз сумен қамту мақсатында 28 нысанның құрылыс жұмыстары жүргізіліп, оның 21-і ел игілігіне берілген. Яғни, бүгінге дейін ауыз суы кестемен беріліп келген 9 елдімекенге құбыр тартылып, Абдулабад, Базарқақпа, Өтеміс, Бадам-1, Текесу, Игілік, Көкбұлақ, Тәуелсіздікке 20 жыл және Қызылжар елдімекендері сапалы ауыз су тұтынатын болды. Нәтижесінде 35 мыңға жуық қала тұрғыны сапалы ауыз сумен қамтылып, жалпы көрсеткіш 94,7 пайыздан 95,6 пайызға жетті.
Айта кетейік, 2021 жылы қала тұрғындарын сапалы ауыз сумен қамту көрсеткішін 96 пайызға жеткізу жоспарланып отыр.