Жаңалық - Аймақ жаңалықтары

новость от 29.03.2021

ТҮРКІСТАН ОБЛЫСЫНДАҒЫ ЕЛДІ МЕКЕНДЕР АУЫЗ СУҒА ЖАРЫМАЙ ОТЫР.
Түркістан облысындағы Шақпақ ауылын ауыз сумен қамтуға 10 жылда бюджеттен 2 рет қаражат бөлінген. Бірақ миллиондардың қайырын халық көре алмай келеді.
Шақпақтықтар екі күн сайын көше күзетеді. Өйтпесе әкімдік есебінен әкелінетін судан құр қалады. Оның өзі бес шақырым жердегі өзеннен алынатынын айтады. Бұған да кейде қолдары жетпей қалатынын көрінеді.
Аудан басшылары ауыз суға бөлінген қаражаттың қайыры болмауын жер асты суының тартылып кетуімен байланыстырды. Барлау жұмыстары дұрыс жүргізілмесе керек. Соған қарамастан, биылдан қалмай Шақпақтың мәселесін шешеміз деп отыр.
«Осы сәуір айының басында 17 млн-ға скважина қазу жұмысы басталады. Биылғы жылы ескі су жүйесіменен халыққа су берілетін болады. Ал келесі жылға толық қайта қалпына келтіру бойынша қайта құрылыс жұмыстары жүргізіледі», — деді, Бәйдібек ауданы әкімінің орынбасары Бағлатбек Жанғазиев.