Жаңалық - Компания жаңалықтары

новость от 02.04.2021

ҚАЛА ТҰРҒЫНДАРЫ КАНАЛИЗАЦИЯДАН ШЫҚҚАН ГАЗДЫҢ ИІСІНЕ ШАҒЫМДАНДЫ.
16.03.21 күні "Су ресурстары-Маркетинг" ЖШС диспетчерлік қызметіне кәріз желісінен газдың күрт химиялық иісі туралы хабарлама келіп түсті. Кәріз желілеріне қызмет көрсету бөлімінің мамандары дереу тексеру жүргізе бастады. 17 наурыз күні кешке, Оңтүстік индустриалды аймаққа тиесілі коллекторда ашық құдық табылды.
Кемпірқосақ тәріздес сұйықтық бар қарқынмен коллектор арқылы ағып жатты. Өткір химиялық иіс улы заттардың кәрізге рұқсатсыз төгілуі туралы күдікті растады. Құрылтайшысы "Шымкент" ӘКК болып табылатын индустриялық аймаққа тиесілі желілерден химиялық төгінділер қаланың кәріз желісіне жіберілген. Сондықтан, қала тұрғындары жағымсыз иіске шағымданған болатын.
Құдық табылған жерге экологтар мен полицейлер, "Шымкент" ӘКК өкілдері шақырылды. Акт жасалып, полицияға өрескел бұзушылық туралы арыз жазылды. Индустриялық аймақ аумағында қандай кәсіпорын улы төгінді жібергені анықталады. Тәртіп бұзушыларға қатаң жаза қолданылады деп үміттенеміз.
Жағымсыз иіс қала тұрғындарына көп қиындық тудырды. Сонымен қатар, егер химиялық улы заттар "Су ресурстары-Маркетинг" ЖШС тазарту ғимарат кешеніне зиян келтірсе, бұл кәсіпорын үшін миллиондаған шығын әкелуі мүмкін.