Жаңалық - Микс

новость от 11.04.2021

СӘУЛЕТШІ БАҚЫТЖАН ӘШІРБАЕВ ӨМІРДЕН ОЗДЫ. ОНЫ "ШЫМКЕНТ АҢЫЗЫ" ДЕП АТАҒАН ЕДІ.
Шымкент қаласының белгілі сәулетшісі, Оңтүстік Қазақстан облысының бұрынғы бас сәулетшісі Бақытжан Әшірбаев өмірден өтті.
Бақытжан Әшірбаев Шымкент қаласында дүниеге келген, онда "сәулетші" мамандығы бойынша жоғары білім алғаннан кейін, өмір бойы сәулет және құрылыс саласында жұмыс істеген.
Еңбек жолын 1975 жылы Шымкент қаласындағы "Южгорсельпроект" мемлекеттік жобалау институтында сәулетші болып бастаған. 1981-1999 жылдары Шымкент қаласының бас сәулетшісі болып жұмыс істеді. Сол жылдары оның басшылығымен қала орталығы заманауи көрініске ие болды.
1999 жылдан 2005 жылға дейін Әшірбаев "Түркістанның 1500 жылдық мерейтойын дайындау және өткізу дирекциясын"басқарды. Түркістанда құрылыс салғаны үшін, Мемлекеттік сыйлықтың лауреаты болды.
Әшірбаев Оңтүстік Қазақстан облысының бас сәулетшісі, өңір әкімінің орынбасары болып жұмыс істеді. Ол суретке түсіргенді қатты ұнататын, бірнеше рет көрмелер ұйымдастырған. Оның "Түркістанның Алтын қабырғалары" атты суреттері өте танымал. Сондай-ақ, ол теле және кино түсірумен айналысты, бір кездері студия ұйымдастырды, журналды шығаруға қатысты, өлең жазды және әдемі ән айтатын еді.
Соңғы күніне дейін, еліміздің үшінші мегаполисіне айналған Шымкент қаласының сәулеті туралы алаңдап келді. Сәулетшіміз Әшірбаевты «Шымкент аңызы» деп атаған.