Жаңалық - Қазақстан жаңалықтары

новость от 14.04.2021

1 СӘУІРДЕН БАСТАП КАЗАҚСТАННЫҢ БАТЫСЫНДА КЕҢ АУҚЫМДЫ «БЕКІРЕ» АТТЫ БАЛЫҚҚОРҒАУ АКЦИЯСЫ БАСТАЛДЫ.
Қазақстанның табиғат қорғау және құқық қорғау органдарының күш-жігерін біріктіру кезінде 2021 жылғы 1 сәуір мен 31 мамыр аралығында Атырау, Маңғыстау және Батыс Қазақстан облыстарында кең ауқымды "Бекіре" балыққорғау акциясы өтеді.
Естеріңізге сала кетейік, жыл сайын балыққорғау шараларының тиімділігін арттыру үшін, экология, геология және табиғи ресурстар, ішкі істер министрлерінің және ҚР Ұлттық қауіпсіздік комитеті Төрағасының "Бекіре "балық қорғау акциясын өткізу туралы Бірлескен бұйрығына қол қойылады.
Балықтардың бағалы түрлерінің уылдырық шашу кезеңінде балықтардың, оның ішінде бекіре түрлерінің уылдырық шашу орындарына қоныс аударуын қамтамасыз ету мақсатында балықтардың заңсыз аулануына және айналымына қарсы іс-қимыл бойынша күш біріктіріледі. Осы мақсаттар үшін, балық қорғау акциясын өткізу кезінде құқық қорғау және табиғат қорғау органдарының өзара іс-қимылы жөніндегі үйлестіру штабының құрамы, сондай-ақ акция кезіндегі бірлескен іс-қимыл жоспары бекітіледі.
Атырау қаласында "Бекіре-2021"акциясын өткізу жөніндегі үйлестіру штабының отырысы кезінде акция шеңберіндегі жоспарлар туралы толығырақ айтылды.
Экология министрлігі Балық шаруашылығы комитетінің төрағасы Нариман Жүнісовтың айтуынша, штабтың жұмыс органы Жайық-Каспий облысаралық бассейндік балық шаруашылығы инспекциясы болып белгіленді.
"Биылғы жылы негізгі күштер Каспий теңізінің жағалауы мен акваториясында және Атырау облысының шегіндегі Жайық және Қиғаш өзендерінің бастауларында шоғырлануы тиіс, өйткені дәл сол жерлерде браконьерлік фактілер орын алуы ықтимал. Балықтың заңсыз айналымы фактілерін анықтау және жолын кесу жөніндегі жұмысты күшейту маңызды. Ол үшін стационарлық және жылжымалы бекеттер, мобильді рейдтік топтар ұйымдастырылады", - деді комитет басшысы.
Сонымен қатар, акцияға қатысушылар Жайық өзенін айналып өтіп, бекеттер мен тонналық учаскелерді тексерді, сондай-ақ Каспий теңізі жағалауының солтүстік бөлігін тікұшақпен айналып ұшты.
Айта кетейік, өткен жылдардағы балық қорғау акциясының нәтижелері көктемгі балық аулау маусымында браконьерлік топтардың қызметі арта түскенін көрсетеді. "Бекіре-2020" акциясының қорытындысы бойынша 759 бұзушы әкімшілік жауапкершілікке тартылып, 33 қылмыстық іс қозғалды. Тәртіп бұзушыларға 13 млн.теңгеден астам сомаға әкімшілік айыппұл салынды, заңсыз айналымнан 13,9 тонна балық алынды, оның ішінде 943,6 кг бекіре тұқымдас балық түрлері, 16,34 кг бекіре тұқымдас балық уылдырығы, 439 бірлік аулау құралдары, 20 бірлік жүзу және 7 көлік құралдары.