Жаңалық - Қазақстан жаңалықтары

новость от 28.04.2021

НАЗАРБАЕВ ҚАЗАҚСТАН ХАЛҚЫ АССАМБЛЕЯСЫНЫҢ ТӨРАҒАСЫ ҚЫЗМЕТІНЕН КЕТЕТІНІ ТУРАЛЫ ЖАРИЯЛАДЫ.

Қазақстанның бұрынғы президенті Нұрсұлтан Назарбаев 28 сәуірде Қазақстан халқы Ассамблеясының төрағасы қызметінен кететінін мәлімдеді. Ол өз өкілеттігін ел президенті Қасым-Жомарт Тоқаевқа береді. Тоқаев көрсетілген сенім үшін алғыс айтып, Назарбаевқа Қазақстан халқы Ассамблеясының құрметті төрағасы болуды ұсынды. Назарбаев бұл ұсынысты қабылдап, жұмысты жалғастыратынын мәлімдеді.
Ассамблеяның мақсаты қазақ халқының топтастырушы рөлін арқау ете отырып, қазақстандық патриотизм, Қазақстан этностарының азаматтық және рухани-мәдени ортақтығы негізінде Қазақстан Республикасында қоғамдық келісім мен жалпыұлттық бірлікті қамтамасыз ету болып табылады. ҚХА конституциялық мәртебеге ие және Парламент Мәжілісіне тоғыз депутат ұсынуға құқылы. Төраға Ассамблея қызметінің негізгі бағыттарын айқындайды және бекітеді.