Жаңалық - Аймақ жаңалықтары

новость от 26.05.2021

ТҮРКІСТАН ОБЛЫСЫНЫҢ ФЕРМЕРЛЕРІ СУАРМАЛЫ СУ ТАПШЫЛЫҒЫНА ТАП БОЛДЫ

Сарыағаш ауданындағы шағын ауыл тұрғындары үшін «Ашынау» каналы - ылғалдың жалғыз көзі. Сумен адамдар шөлін қандырып, ауыл шаруашылық алқабын суарады. Бірақ биыл қиыншылық туындауда, яғни, суды үзіліспен беруде.
Мұндай проблема бірнеше ауылда пайда болды. Барлығы Сырдариядағы судың аздығынан. Ол соншалықты таяз, кейбір жерлерде су түбі көрінеді. Себебі, мамандардың айтуынша, Қырғызстан Тоқтоғұл су қоймасынан су ағызуды 30% - ға қысқартты. "Казводхоз" өкілдері ауыр зардаптарға жол бермеу үшін, қолдан келгеннің бәрін жасап жатқанын айта кетті.
Жетісай және Мақтаарал аудандарына су тапшылығы қауіп төндіреді. Жергілікті тұрғындар суды Өзбекстаннан келетін "Достық" каналынан алады. Биыл су аз, сондықтан, мәселені шешу үшін, біз мамыр айының соңына дейін, машина арнасын жөндеуге тырысамыз. Оның көмегімен "Достық" каналын Шардара су қоймасынан су алуға болады. Мамандар судың аздығы туралы білді, сондықтан фермерлерге көп ылғалдылықты қажет ететін дақылдарды қысқарту ұсынылған болатын. Айта кетейік, бүгінде өңірде 843 мың гектар алқап бар. Соңғы 10-15 жылда өңірде күріш егу алаңы 26 мыңға, ал мақта алқабы 36 мың гектарға қысқарды. Олардың орнына көбірек бақша және жемшөп дақылдары отырғызылады. Түркістан облысына 520 миллион текше метр су келіп түседі. Қазір "Кеңсай" су қоймасын қайта жаңарту жүргізілуде, бірнеше каналдың жағалауы нығайтылуда және ескі машина каналына жөндеу жүргізу жоспарлануда.
Мұның барлығы өңірге келетін су көлемін тағы 200 млн текше метрге арттыруға мүмкіндік береді. Су тапшылығы мәселесі жылдан жылға өткір болып келеді, сондықтан, қазірдің өзінде нақты шаралар қабылдау қажет.
Суды үнемдеуге мүмкіндік беретін қосымша технологияларды пайдалану қажет. Мысалы: тамшылатып немесе жаңбырлатып суару. Екіншіден, суару арналарын ретке келтіру керек. Олардың кейбіреулері стандарттарға сәйкес келмейді, сондықтан Судың бір бөлігі буланып кетеді. Әрине, мұның бәрі үлкен шығындарды талап етеді, бірақ нәтиже көп пайда әкеледі. Суармалы су мәселесі, оны шешу үшін бірнеше сұраным жасап, оларды Үкіметтің қарауына жіберу керек. Түркістан облысында 87 магистральдық және бір жарым мыңнан астам шаруашылықаралық арналар бар. Мамандардың айтуынша, олардың көпшілігі жөндеуді және механикалық тазалауды қажет етеді.