Жаңалық - Қазақстан жаңалықтары

новость от 01.07.2021

ҚАЗАҚСТАН МЕН ӨЗБЕКСТАН СУ ШАРУАШЫЛЫҒЫ САЛАСЫНДАҒЫ ЫНТЫМАҚТАСТЫҚ МӘСЕЛЕЛЕРІН ТАЛҚЫЛАДЫ

29 маусымда Душанбе қаласында Халықаралық Аралды құтқару қоры Басқармасының отырысы аясында Қазақстан Республикасы Премьер-Министрінің Орынбасары Р.Скляр мен ҚР Экология, геология және табиғи ресурстар министрі М.Мырзағалиевтің Өзбекстан Республикасы Премьер-Министрінің Орынбасары Ш. Ғаниевпен және Өзбекстан Республикасы Су шаруашылығы министрі Ш. Хамраевпен екіжақты кездесуі өтті.
Кездесу барысында Тараптар су шаруашылығы саласындағы ынтымақтастық мәселелерін талқылады, сондай-ақ қолайлы вегетациялық кезеңді өткізу бойынша пікір алмасты.
Шардара су қоймасындағы су шаруашылығы жағдайын жақсарту мақсатында, Тараптар Өзбекстан Республикасының аумағы арқылы кедергісіз су транзитінің мәселесін талқылады. Аталған су көлемін Қазақстан Республикасының өтініші бойынша тәжік тарапы «Бахри Точик» су қоймасынан қосымша жіберетін болады.