Жаңалық - Компания жаңалықтары

новость от 10.08.2021

«СУ РЕСУРСТАРЫ-МАРКЕТИНГ» ЖШС ЧАТ-БОТТЫ ЕНГІЗУДІ ЖАЛҒАСТЫРУДА

"Су ресурстары-Маркетинг" ЖШС-да тұтынушылар сумен жабдықтау және су бұру қызметтеріне түбіртек алуға және шот-фактураларды төлеуге аз уақыт жұмсауы үшін, барлық жағдай жасауда. Оған сізге Telegram мессенджеріндегі виртуалды көмекші көмектеседі. Кассаға барудың қажеті жоқ, яғни тұтынушы қажетсіз байланыстардың санын азайтып, коронавирустық инфекция қаупін азайтады.
Шымкентте сумен жабдықтау және су бұру тұтынушыларының жартысына жуығы виртуалды ассистентті сәтті пайдаланып келеді. Дилерлік учаскелердің инспектор-бақылаушылары тұрғындар арасында түсіндіру жұмыстарын жүргізуде. Чат-бот электрондық түбіртектерді алуға ғана мүмкіндік бермейді, сонымен қатар, өз төлем тарихын зерделеуге, суды есепке алу құралының көрсеткіштерін жіберуге және онлайн төлем жүргізуге болады. Заманауи технологиялар, қызмет көрсетуші мен абонент арасындағы өзара қарым-қатынасты айтарлықтай жеңілдетеді.
Чат-ботқа тіркелу үшін, Telegram мессенджерінде wrm_bot сілтемесін енгізу қажет, содан кейін абоненттің түрін, тілін таңдап, сумен жабдықтау және су бұру қызметтері бойынша дербес шоттың нөмірін енгізу қажет. Егер сіз өзіңіздің жеке шотыңызды білмесеңіз, +77057581111 whatsapp немесе Instagram және Facebook әлеуметтік желілеріне "Су ресурстары-Маркетинг" ЖШС жаза аласыз. Егер виртуалды көмекшіге байланысты сұрақтар туындаса бізге хабарласыңыз.