Жаңалық - Компания жаңалықтары

новость от 18.08.2021

РЫСҚҰЛОВ КӨШЕСІНДЕ ТОЗҒАН СУ ҚҰБЫРЫ ЖЕЛІСІН ҚАЙТА ЖАҢАРТУ ЖҰМЫСТАРЫ ЖҮРГІЗІЛУДЕ

Шымкентте "Су ресурстары-Маркетинг"ЖШС-нің балансындағы су құбыры желілерін қайта құру және ауыстыру жұмыстары жалғасуда. Кәсіпорынның тапсырысы бойынша, инвестициялық бағдарлама шеңберінде, мердігер ұйым – "BIIK BELES-2050" ЖШС Рысқұлов көшесі, Байтұрсынов көшесінен Әл-Фараби көшесіне дейін су құбырын жаңартады. Учаскедегі ауыстырылатын құбырдың жалпы ұзындығы - 4 000 қума метрді құрайды. Құбырдың диаметрі біртіндеп азаяды, егер басында, яғни Байтұрсынов көшесінен оның диаметрі 500 миллиметр болса, Әл-Фараби көшесіне жақын жерде 300 миллиметр болады.

"Осы учаскеде полиэтилен құбырларын төсеу кезінде, біз көлденең бағытталған бұрғылау қондырғысын қолданамыз. Оны пайдалану, жұмыс орны мен жақын маңдағы аумақты таза ұстауға мүмкіндік береді. Біз жасыл екпелерді кесіп тастамаймыз. КББ орнатудың арқасында жаяу жүргіншілер мен жүргізушілер ешқандай қолайсыздықты сезінбейді, ал тротуарлар мен веложолдар өзгеріссіз қалады. Су құбырын салу үшін, жердегі тесіктер жағдайға байланысты әр 130-140-150 метр сайын жасалады", - деді "BIIK BELES-2050" ЖШС инженері Қанат Атабеков.