Жаңалық - Қазақстан жаңалықтары

новость от 23.08.2021

М.МЫРЗАҒАЛИЕВ РФ ТАБИҒИ РЕСУРСТАР ЖӘНЕ ЭКОЛОГИЯ МИНИСТРІ А.КОЗЛОВПЕН КЕЗДЕСТІ

2021 жылдың 19 тамызында Нұр-Сұлтан қаласында ҚР Экология, геология және табиғи ресурстар министрі Мағзұм Мырзағалиев РФ Табиғи ресурстар және экология министрі А.А. Козловпен кездесті.
Кездесу барысында Тараптар қоршаған ортаны қорғау, трансшекаралық өзендердің су ресурстарын ұтымды пайдалану мен қорғау мәселелерін, сондай -ақ Қазақстан Республикасы мен Ресей Федерациясы басшыларының қатысуымен өтетін XVII өңіраралық ынтымақтастық форумына дайындық мәселелерін талқылады. Тараптар 2021-2024 жылдарға арналған трансшекаралық Жайық және Ертіс өзені бассейндерінің экожүйесін сақтау мен қалпына келтіру бойынша ынтымақтастық бағдарламасын және ірі өзендердің бассейндерінде зерттеу жүргізудің бірыңғай Жол картасын іске асыру барысы туралы ақпаратпен алмасты.