Жаңалық - Микс

новость от 26.08.2021

ҚАЗАҚСТАН ҚҰРАМАСЫ ПАРАЛИМПИАДА ОЙЫНДАРЫНДА АЛҒАШҚЫ АЛТЫНЫН ЖЕҢІП АЛДЫ

Қазақстандық пауэрлифтер Давид Дегтярев 54 келіге дейінгі салмақ дәрежесінде Токио-2020 Паралимпиада ойындарында алтын медаль жеңіп алып, салмағы 174 келі болатын штанганы көтерді. Күмісті Франция өкілі Бурлон Аксель жеңіп алды. Қола грекиялық спортшы Бакочристос Димитриосқа бұйырды.
Давид Дегтярев 1996 жылы Ақмола облысының Атбасар қаласында дүниеге келген. 2016 жылдан бастап парапауэрлифтингпен айналысады. Жеке жаттықтырушы-Колесников Юрий Николаевич. 2021 жылы Давид Дегтярев Тбилисидегі әлем кубогында салмағы 185 кг штанганы көтеріп, Азия рекордшысы болды.
Қазақстанның Паралимпиадалық құрамасы жеті спорт түрінен бақ сынайтын 26 спортшыдан тұрады және 24 тамыз бен 5 қыркүйек аралығында Токиода өтеді.