Жаңалық - Аймақ жаңалықтары

новость от 07.09.2021

ҚОҚЫС ОРАЛДЫҢ 30 МЫҢ ТҰРҒЫНЫН СУСЫЗ ҚАЛДЫРДЫ

Зачаганск ауылындағы кәріз сорғы станциясындағы апат 6 қыркүйек күні түстен кейін белгілі болды.
Құрылыс немесе тұрмыстық қоқыстың түсуіне байланысты екі сорғы істен шықты. Бұл импортталған жабдық және өте қымбат. Сорғылардың әрқайсысы шамамен 40 миллион теңге тұрады. Сорғыларды шетелден жеткізу 2-3 айға созылуы мүмкін. Қазір жеткізушілермен келіссөздер жүргізіліп, коллектордың айналма желісі орнатылуда.
Орал әкімдігінде хабарлағандай, бірнеше шағын аудандарды сумен қамтамасыз ету шектеледі.
Қазір "Батыс Су Арнасы" ЖШС қалалық және облыстық әкімдіктердің балансында. Апатты жою бюджет қаражаты есебінен жүргізіледі.