Жаңалық - Компания жаңалықтары

новость от 20.09.2021

«СУ РЕСУРСТАРЫ-МАРКЕТИНГ» ЖШС ҚЫЗМЕТКЕРЛЕРІ АУҚЫМДЫ ЭКОЛОГИЯЛЫҚ АКЦИЯ ӨТКІЗДІ

"Таза өзен" акциясы аясында, сенбі күні өзен арнасын тазалауға "Су ресурстары-Маркетинг" ЖШС-нің 200-ден астам кәсіпорын қызметкерлері шықты. Қоқысты шығару үшін арнайы техника тартылды. Өзен қала тұрғындарының тастаған қоқыстарынан тұншығып жатыр десек те болады. Қарасу жағалауынан түрлі қалдықтардан тұратын бес самосвал қоқыс шығарылды.
Кәсіпорынның әр бөлімі өз өкілдерін бөліп, акцияға айтарлықтай күштер тартылды. Сонымен қатар, Әл-Фараби әкімдігі мен "Пример строй" компаниясы қосылды. Өзен арнасы Жангелдин көшесінен Павлов көшесіне дейін тазартылды. Бірақ, шамасы, мұндай тазарту жұмыстарын әр тоқсан сайын жүргізу керек тәрізді, тұрғындар бұл су арнасын ластаудан шаршамайды.
"Бүгінде бүкіл әлемде ауыз су тапшылығы байқалуда. Өзендер мен көлдер таяз, су қақтығыстардың себебі болып, экологиялық жағдай нашарлауда. Шымкенттегі Қошқар ата және Қарасу атты екі өзен  бұлақтардан бастау алады. Бұрын  суы таза әрі тазартусыз ішуге болатын. Өкінішке орай, біз – қала тұрғындары осы құнды ресурсты сақтай алмадық. Бүгінгі таңда, өкінішке орай қоқыс пен тұнбаға толы бұл көздерден су ішу мүмкін емес. "Су ресурстары-Маркетинг" ЖШС-і "Таза өзен" экологиялық акциясын өткізіп, қала өзендерінің ластану проблемасына қоғам назарын аударамыз деп үміттенеміз. Өткен акцияда Қарасудан 3 самосвал қоқыс шығардық. Біз шымкенттіктерді өзендерімізді қорғауға шақырамыз!",- деді "Су ресурстары-Маркетинг " ЖШС бас директорының орынбасары Бекжан Ешімбетов.
Бұл осы өзендегі кәсіпорынның алғашқы акциясы емес. Су арнасының қызметкерлері осындай тазалауды 2019 жылы жүргізді, ол уақытта 3 самосвал қоқыс шығарылды. Биыл бұл көрсеткіш артып, Қарасудан 5 самосвал шығарылды. Кәсіпорында Қарасуды ластау және суландыру мәселесі өз шешімін табады деп үміттенеді. Бірақ, ең бастысы, шымкенттіктердің өздері оған қоқыс тастағанын тоқтатса.