Жаңалық - Аймақ жаңалықтары

новость от 22.09.2021

МЕМЛЕКЕТ БАСШЫСЫ ӨЗ ЖОЛДАУЫНДА ХАЛЫҚТЫҢ 100% - ЫН АУЫЗ СУМЕН ҚАМТАМАСЫЗ ЕТУДІ ТАПСЫРДЫ

Бұл міндетті жүзеге асыру мақсатында Шымкентте жүйелі жұмыстар жүргізілуде. Қала әкімі Мұрат Әйтенов халықты сапалы ауыз сумен қамтамасыз ету маңызды әлеуметтік проблемалардың бірі екенін атап өтті.
Қала 5 көзден ауыз су алады. Су қоры қажеттіліктен 3,5 есе көп. Биыл "Көмешбұлақ" магистралі іске қосылады. Нәтижесінде, ауыз су жүйесі жоқ елді мекендердің 60 мың тұрғынына жеткізілетін болады. Жалпы, 250 мың халық тұтынатын ауыз судың сапасы артады.
Қазір қаланың 81 елді мекенінің 69-ы су құбырларымен қамтамасыз етілген. 5 елді мекенде ауыз су кесте бойынша беріледі, 7 елді мекеннің тұрғындары ауыз су ішеді.
Жыл соңына дейін 3 магистральдық, 11 орамішілік су құбыры желілерінің құрылысы аяқталады. Нәтижесінде, ауыз суы кесте бойынша берілетін 9 елді мекенге ауыз су беріледі.
2022-23 жылдар аралығында тағы 3 магистраль мен 3 ірі елді мекенді сумен жабдықтау жүйесі жүргізілетін болады. Шымкент қаласы бойынша, 2023 жылы ауыз су мәселесі толық шешілетін болады.