Жаңалық - Қазақстан жаңалықтары

новость от 04.10.2021

ЖАЙЫҚ ӨЗЕНІН ЗЕРТТЕУГЕ 11 МЛН ТЕҢГЕ БӨЛІНЕДІ

2021 жылға арналған республикалық бюджетті нақтылау шеңберінде Жайық трансшекаралық өзенінің гидрологиялық режимін зерттеуге 11,950 млн теңге сомасында қаржыландыру қолдау тапты. Бұдан басқа, Батыс Қазақстан облысын толыққанды сумен қамтамасыз ету үшін 2021 жылғы 20 сәуірде республикалық бюджет комиссиясының шешімімен ағымдағы жылға арналған республикалық бюджетті нақтылау шеңберінде Саратов магистральдық арнасы бойынша Қараөзен мен Сарыөзен өзендеріне және РФ Паллас суару-суландыру жүйесінен Жәнібек суару-суландыру жүйесіне қосымша су көлемін беру үшін 1 200 млн теңге сомасында қаражат бөлінді.
Негізгі ірі трансшекаралық өзендер Қазақстан төменгі ағысында орналасқан, көрші елдермен өзара тиімді ынтымақтастық орнату Қазақстанның су қауіпсіздігін қамтамасыз етудегі негізгі фактор болып табылады. Осыған байланысты, Қазақстан Республикасы трансшекаралық өзендер бассейндерінде экологиялық және су қауіпсіздігін қамтамасыз ету мақсатында қолданыстағы үкіметаралық келісімдер шеңберінде барлық шектес мемлекеттермен белсенді өзара іс-қимыл жасайды.