Жаңалық - Қазақстан жаңалықтары

новость от 07.10.2021

ТӘУЕЛСІЗ ҚАЗАҚСТАННЫҢ ЕҢ АЛҒАШҚЫ СУ ЖОБАСЫ

Арал-Сарыбұлақ топтық су құбыры Қызылорда облысында тұратын ондаған ауылдар мен мыңдаған адамдарды таза ауыз сумен қамтамасыз етті. Ауқымды жобаны 2005 жылы еліміздің Тұңғыш Президенті бастаған болатын. Қазір гидроқұрылыстар Арал және Қазалы аудандарының 70-ке жуық елді мекендерін сумен қамтамасыз етеді. Жүздеген шақырым құбыр және 30-дан астам ұңғыма. Бұрын тәулігіне 21 мың текше метр су берілетін, биыл - 24 мың. Бүгінгі таңда Қазалы және Арал аудандарының 130 мыңнан астам тұрғыны сапалы ауыз сумен қамтамасыз етілуде. Судың үздіксіз берілуін қамтамасыз ету үшін әр ұңғымаға 5 дизель генераторы орнатылды.
Орталық сумен жабдықтауға қосу қажет 7 ауыл қалады. Қазіргі уақытта су магистралі жалғыз. Егер ол істен шықса, екі ауданның тұрғындары бірден ауыз сусыз қалады, проблемалардың алдын-алу үшін қосымша желі салу қажет. Қазір бұл мәселе жергілікті биліктің қарауында.