Жаңалық - Компания жаңалықтары

новость от 27.01.2022

ШЫМКЕНТ ҚАЛАСЫНА ПРАКТИКАҒА

        "Су ресурстары-Маркетинг" ЖШС-не Қазақ ұлттық аграрлық университетінің шәкірттері келді. "Су ресурстары және мелиорация" мамандығы бойынша 4 курс шәкірттері Шымкент кәсіпорнында міндетті практикадан өтуде.
        Тәжірибелік жұмыстар басталар алдын қыздар мен балаларға "Су ресурстары-Маркетинг" ЖШС мұражайында экскурсия ұйымдастырылды. Шәкірттерге кәсіпорынның тарихы, су өндіру, желілер арқылы залалсыздандыру, тарату және ағынды суларды тазарту процестері туралы айтылды. Сонымен қатар, жаңғыртылып жатқан технологиялармен де таныстырылды. Жалпы, жастар Алматы мен Шымкент арасындағы айырмашылықтарды көрді.
        "Мұражайда мен көптеген жаңа және пайдалы ақпарат алдым. Шымкентте сумен жабдықтау үшін қандай құбырлар, қандай материалдан қолданылатынын білдім. Суды есептеу құралдары қалай және не үшін қолданылатынын және тағы басқаларымен таныстым. Осы танымдық экскурсияға сіздерге көптен рахмет", - деп өз әсерімен бөлісті Алтынбек Әбдікейімов.
        Тәжірибеден өткеннен кейін, шәкірттер өздерінің еңбек қызметін "Су ресурстары-Маркетинг" ЖШС бастағысы келетінін айта кетті.