Жаңалық - Компания жаңалықтары

новость от 04.02.2022

СТУДЕНТТЕР ОДҚ-да

        "Су ресурстары-Маркетинг" ЖШС әкімшілігі жоғары оқу орындарын бітірген шәкірттер арасынан кадрлар іздейді.
        Қазіргі уақытта, "Су ресурстары-Маркетинг" ЖШС-де өндірістік практикадан Ұлттық Аграрлық университеттің 4 курс шәкірттері өтуде. Жастар "Су ресурстары және мелиорация" факультетінде оқиды. Кәсіпорын қызметімен егжей-тегжейлі танысу үшін, тағылымдамадан өтушілер орталық диспетчерлік қызметке экскурсия ұйымдастырды. Су құбыры жүйелерін пайдалануға жауапты "Су ресурстары-Маркетинг" ЖШС бас директорының орынбасары Бекжан Ешімбетов Шымкентті сумен жабдықтау туралы дәріс оқыды. Онда ауыз судың қалай өндірілетіні, оның қалай залалсыздандырылатыны, қалаға қалай жеткізілетіні, және желілер арқылы таратылатыны сөз еілді. Сонымен қатар, ОДҚ қызметі туралы да егжей-тегжейлі айтып берді: құбырлардағы қысымды мониторингілеу, жөндеу бригадаларының қызметін бақылау, диспетчерлік қызметке келіп түскен өтініштерді қабылдау және авариялық жағдайларды жою тәсілдері.
         Жастардың негізгі тағылымдамасы "Су ресурстары-Маркетинг" ЖШС өндірістік-техникалық бөлімінде өтеді. Бірақ, алдымен шәкірттер кәсіпорынның алгоритмдерін мұқият оқып шығуы қажет.