Жаңалық - Аймақ жаңалықтары

новость от 10.02.2022

ӨМІРЗАҚ ШӨКЕЕВ: БІЗ СУДЫ ТИІМДІ ПАЙДАЛАНЫП, ЖОҒАРЫ ӨНІМ АЛУЫМЫЗДЫҢ ҮЛГІСІН КӨРСЕТУІМІЗ КЕРЕК

         Түркістан облысының әкімі Өмірзақ Шөкеев шаруа қожалықтарының иелерімен кездесіп, жақсы өнім алуға болатынын айтты. Заманауи технологиялардың көмегімен суару әдісіне көшудің қыр-сырын түсіндірді. Облыс басшысы қалада су әкелудің бірқатар тәсілдері анықталғанын атап өтті. Түркістан қаласының аумағында азық-түлік белдеуін және су объектілерін қалыптастыру бойынша жобалар қарқынды іске асырылуда.
         «Біз Түркістан өңіріндегі суды тиімді пайдалану мен мол өнім алудың үлгісін көрсетуіміз керек. Бұл үшін барлық мүмкіндіктер бар. Ағын суды үнемдеу керек және жаңа технологиялардың көмегімен қолдануды үйрену қажет. Түркістан маңында оазис құрамыз", - деді облыс әкімі. Түркістан қаласының маңында диқандар АҚШ-тан әкелінген арнайы техника арқылы жаңбыр жаудырады. Мамандардың айтуынша, бұл өте тиімді тәсіл. Осы бастаманың арқасында ағын суды тұтыну бірнеше есе азаяды және кірістілік төрт есеге дейін артады. Кешенді жоспар аясында аграрлық салаға, соның ішінде Түркістан қаласының аумағында 11 мың га алқапта азық-түлік белдеуін қалыптастыру және сарқынды су тапшылығын жою мақсатында су объектілерін салуға көп көңіл бөлінеді.