Жаңалық - Қазақстан жаңалықтары

новость от 21.02.2022

МҰРАТ БАҚТИЯРҰЛЫ: ЕГЕР ПРЕМЬЕР-МИНИСТР БҮГІН СУ САЯСАТЫН ҚОЛҒА АЛМАСА, ЕРТЕҢ КЕШ БОЛАДЫ

         Депутаттың ақпараты бойынша, Сырдария өзені бассейнінің кепілді сумен қамтамасыз етілуінің бұзылуына байланысты, соңғы жылдары Қызылорда облысында су тапшылығының өте күрделі проблемасы қалыптасты. Өткен жылы Шардара су қоймасына келісілген су көлемінің 57%-ы ғана келіп түсті. Биылғы жылы жағдай одан да күрделі болатыны қазір түсінікті. Депутат ақпанның басындағы статистиканы атап өтті: Егер өткен жылы Шардара су қоймасында 3 млрд 840 млн текше метр су жиналса, қазір бұл көрсеткіш 430 млн текше метрге аз. Көксарай су реттегішінде қазір 630 млн "текше" жинақталған, бұл өткен жылғы деңгейден 24 млн аз.
         "Сырдария өзеніндегі су деңгейінің төмендеуі, Кіші Аралдың толымдылығына да әсер етеді. Мысалы, қазір кіші Аралдағы су көлемі 2015 жылмен салыстырғанда 5 миллиард текше метрге қысқарды, яғни су жағадан 20 метрге төмендеді. Облыстағы 200-ден астам көлдердің 14-і толық кеуіп қалды, қалған көлдердегі су көлемі 50%-ға дейін қысқарды", - деді Мұрат Бақтиярұлы палатаның пленарлық отырысында Премьер-министрге жолдаған хатында. Ол облыс халқының негізгі бөлігі Сырдария өзенінде тұрады және адамдардың табысы өзен экожүйесімен тікелей байланысты екенін атап өтті. Сондықтан, сенатор суды мемлекетаралық деңгейде жеткізу мәселесін жедел шешуді аса маңызды деп санайды.