Жаңалық - Аймақ жаңалықтары

новость от 25.02.2022

КОМПАНИЯ СҚО ТҰРҒЫНДАРЫ МЕН ҰЙЫМДАРЫНА АУЫЗ СУ БЕРІП, 20 МЛН ТЕҢГЕНІ ИЕЛЕНГЕН

         Солтүстік Қазақстанда "Аққайың-Комсервис" ЖШС компаниясы сумен жабдықтау бойынша Аққайың ауданының заңды объектілеріне көп жылдар бойы су тасымалдап, ал оны халық пайдаланған секілді есеп берген. Соның арқасында мемлекеттік бюджеттен миллиондаған субсидия алған. Бүгінгі күні өңір тұрғындарына ауыз су бір текше метр үшін 40 теңгені, ал заңды тұлғалар үшін 840 теңгені құрайды.
         Тергеу ісінде кәсіпорынның жауапты тұлғалары уәкілетті ұйымға су тұтыну субъектілері туралы дұрыс мәліметтер берілмегені анықталды. Оған сәйкес заңды тұлғалар үшін, 2020 жылы тұтынған су көлемі 25 898 м3-ге төмендетілген, ал кейіннен халықтың тарифі бойынша төлеп отырған. Аталған іс-әрекеттер, бір текше метр судан 800 теңгеге айырма түрінде, 20 мллионнан астам соммаға залал келтірген.