Жаңалық - Сөздер туралы сөз

новость от 05.04.2022

МОНОПОЛИЯСЫЗДАНДЫРУ

Монополиясыздандыру - монополиялардың қызметін шектеу, ішкі нарықта бәсекелестік орта құру жөніндегі мемлекеттің экономикалық және заңнамалық шараларының кешені.
Монополиясыздандыру - нарықтарды ырықтандыру жүзеге асырылатын, шаруашылық жүргізудің бәсекеге қабілетті субъектілерінің қызметі көтермеленетін нарықтық экономика санаты. Әлемнің барлық елдерінде шағын және орта бизнесті қорғау мақсатында антитрест, монополияға қарсы заңдар қабылданды. Олар ірі корпорацияларға қарсы бағытталған емес, өйткені өлшемнің өзі оны (корпорацияны) монополия ретінде түсіндіруге негіз бермейді, бірақ мінсіз бәсекелестікті бұзуы және сол арқылы ұлттық экономиканы әлсіретуі мүмкін нарықтағы жағдайын теріс пайдалануға қарсы.