Жаңалық - Компания жаңалықтары

новость от 18.05.2022

БАЛАЛАРҒА СУ ТУРАЛЫ

           "Су ресурстары Маркетинг" ЖШС әкімшілігі өскелең ұрпақты тәрбиелеуге, сонымен қатар суды ұқыпты пайдалануға да көп көңіл бөледі. Кәсіпорын балабақшалардан, мектептерден бастап жоғары оқу орындарына дейінгі көптеген білім беру ұйымдарымен тығыз ынтымақтастық орнатқан. "Нұр-Арман" балабақшасында ең кішкентай тұтынушылармен жұмыс жүргізілді. Онда "Су – өмір көзі" тақырыбында ашық сабақ өткізілді.
           «Мен бүгінгі ашық сабақтан суды үнемдеуді үйрендім. Қолды, тісті және ыдыс жуғанда суды үнеммен пайдалану керек екенін білдім», - деп, өз ойымен бөлісті Аруна атты кішкентай қызымыз.
           «Бүгінгі тәрбие сағттан балалар көптеген мәліметтермен танысты. Әсіресе, суды үнемдеу және судың пайдасы жайында. Сіздерге алғысымыз шексіз, осындай тәрбие сағатымен балаларға керемет көңіл-күй сыйладыңыздар», - деді, «Бәйтерек» тобының тәрбиешісі Назира Садуақасқызы.
           Балаларға судың адам денсаулығы үшін маңыздылығы мен қажеттілігі туралы қысқаша фильм көрсетіліп, балабақшаның кішкентайларына сыйлықтар берілді.