Жаңалық - Әлем жаңалықтары

ТОҚАЕВ АРАЛ ТЕҢІЗІНІҢ РЕСУРСТАРЫН ҰТЫМДЫ ПАЙДАЛАНУҒА ШАҚЫРДЫ

         Президент қоршаған ортаны қорғау бойынша Орталық Азия елдерінің жобалық кеңсесін құруды ұсынды. Қазақстан президенті Қасым-Жомарт Тоқаев Орталық Азия елдерінің күш-жігерін шоғырландырмай, өңірдегі климаттың өзгеру салдарын еңсеру мүмкін емес деп санайды. ҚР бірлескен іс-қимылдарды үйлестіру үшін Орталық Азия елдерінің қоршаған ортаны қорғау және климаттың өзгеруі жөніндегі келісілген саясатты жүргізу жөніндегі жобалық кеңсесін құруды ұсынады, деп хабарлады Ақорданың баспасөз қызметі. "Қазіргі Климаттық сын-қатерлер, су және энергетикалық ресурстарға өсіп келе жатқан сұраныс Арал теңізі бассейнінің су ресурстарын ұтымды пайдалануды қамтамасыз ету үшін батыл шаралар қабылдауды талап етеді. Климаттың өзгеруі жөніндегі халықаралық сарапшылар тобының есебіне сәйкес, біздің аймақтағы температура планетадағы орташа температурадан әлдеқайда тез өсуде. Климаттың өзгеру процестері негізгі су көзі – мұздықтардың азаюына әкеледі. Бұл өңірдің азық – түлік, энергетикалық және экологиялық қауіпсіздігіне қауіп төндіреді, шұғыл бірлескен шаралар қабылдауды талап етеді", - деді Мемлекет басшысы.