Жаңалық - Компания жаңалықтары

             Шымкентте құдықтардың орнына бекіту арматурасы орнатыла бастады. "Су ресурстары-Маркетинг" ЖШС-де құдықсыз арматураларды біртіндеп көбейтуді жоспарлап отыр. Осылайша су құбыры желілеріне қызмет көрсетуде және пайдалануда шығындар азаяды. Ең алдымен, жаяу жүргіншілер мен автомобильдердің қауіпсіздігі үшін де өте қажет нәрсе. "Бұл ысырмалар жаңа типті, құдықтарды орнатуды қажет етпейді, оларға ағымдағы жөндеу, ақтау және сырлау, қақпақтарды ауыстыру қажет емес. Жоспарлы жөндеу жұмыстары 20 жылда бір рет жүргізіледі". Бекжан Ешімбетов Су ресурстары-Маркетинг " ЖШС Бас директорының орынбасары Еңбекші аудандық су арнасының қызметкерлері 13 шағынауданда жұмысын бастады. Құдықты бөлшектеп, ысырмаға ауыстырып жатыр. Енді судың қысымын арттыру немесе азайту үшін слесарьлар төмен түсіп, әуре болмайды. Барлық манипуляцияларды жоғарыдан-ақ жасай береді. "2022 жылы Шымкентте құдық тәрізді 193 ысырма орнатуды жоспарлап отырмыз. Жұмыс әзірленген кестеге сәйкес жүргізілуде. Келесі жылы осы типтегі тағы 200-ге жуық құрылғыны орнатуды жоспарлап отырмыз. Құдықтарсыз жаңа әдіске көшеміз". Мекеме биылғы жылдың соңына дейін дәл осындай 193 ысырманы орнатып үлгермекші. Аталған жұмысты су құбыры желілерін ауыстырып, жаңартуға жауапты мердігер ұйымдар, және аудандық су арналарының мамандары қолға алған.