Жаңалық - Аймақ жаңалықтары

         Шымкент оқушыларына сабақ кезінде ұялы телефондарды пайдалануға ресми тыйым салынды. Оқушылар оқуға көңіл бөлулері керек,.Биылдан бастап "өзін-өзі тану" пәні міндетті мектеп бағдарламасынан алынып тасталды. Дене шынықтыру сабағында ұлдар мен қыздар екі топқа бөлінбейді. Мектептерде медиация және логопед кабинеттері ашылады. Тағы бір жаңалық-балалар мектеп автобустарында тасымалданбайды.Жанат Тәжиева, Шымкент қаласы білім басқармасының басшысы: "оқушылар қоғамдық көлікте өз бетінше жүреді. Шымкент республикалық маңызы бар қала болғандықтан, білім басқармасы балаларды тасымалдаумен айналыспайды. Қаладағы қоғамдық көліктің жұмысын қамтамасыз ету жауапкершілігі жолаушылар көлігі және автомобиль жолдары басқармасына жүктелген".Асханалар МЖӘ форматында жұмыс істейтін қаланың 54 мектебінде қолында Tolem картасы бар бірінші және төртінші сынып оқушылары тегін тамақпен қамтамасыз етіледі. Биылғы жаңашылдық — екі жүз он сегіз (218) Шымкент мектебі бес күндік оқу кестесіне көшті.Шымкент қаласы білім басқармасының басшысы Жанат Тәжиева: "бұрындары салтанат залдары көп болатын. Қазір мектептер жетіспейді. Сондықтан көптеген тойханалар мектептер үшін қайта құрылуда. "Нұрсәт" шағынауданындағы салтанат залында енді академия бар. Тағы екі тойханалар мектептерге ауыстырылды".Жаңа оқу жылында 20 мектеп пайдалануға беріледі. Оның төртеуі мемлекеттік және 16-жеке меншік. Шымкентте үш ауысымды мектептер саны тоғыздан беске дейін төмендеді.