Жаңалық - Компания жаңалықтары

         "Су ресурстары-Маркетинг" ЖШС-нің бөлімшелері 2022-23 жылдардың күзгі-қысқы кезеңіне дайындықты аяқтауға жақын. Жоспарлы жұмыстарға аудандық су арналары мен пайдалану учаскелері тікелей жауапты, суық ұрмас үшін су құбырлары және кәріз желілерін, жабдықтар мен агрегаттарды алдағы кезеңге барынша дайындау керек. Жұмысты қадағалау, сапасын бақылау кәсіпорынның өндірістік-техникалық бөліміне жүктелген. Су қабылдағыштарда сорғы қондырғылары жылыту материалымен оралып, ауыз су тартылатын барлық жабдықтарда міндетті түрде профилактикалық жұмыстар жүргізіледі. Суықта да су қабылдағыштар сағат секілді үздіксіз жұмыс істеуі керек және қалаға қажетті су мөлшері үздіксіз берілуі маңызды. Тарату камералары, құдықтар, барлық ысырма-жабдықтар, су қысымын реттегіштер тексеріліп, пысықталып жатыр. Бектөре Әуез Өндірістік-техникалық бөлімінің басшысы Сонымен бірге, жалпы орамдық, көшелерде орналасқан орталық су өлшеуіштер тораптары да тексеріліп жатыр. Бұл жәшіктердегі құбырлар қатып қалмауы керек. Ондаған абонент ауыз сусыз қалуы мүмкін. Сондықтан бұл учаскелердегі дайындыққа көбірек көңіл бөлінеді. "Су ресурстары-Маркетинг"ЖШС басшылығы оны қатаң бақылауда. Қыс мезгілінде су өлшегіштерін тексеретін тораптар да жылытылатын болады. Дайындық жұмыстары кәсіпорынның тазарту құрылғыларының кешені мен энергетикалық нысандарында да жүргізілді. Қыс мезгіліне мекеменің автокөлік паркі де міндетті түрде толыққанды дайындықтан өтеді.