Жаңалық - Компания жаңалықтары

ШЫМКЕНТТЕ КӘСІПОДАҚ МҮШЕЛЕРІ АРАСЫНДА ШАҒЫН ФУТБОЛДАН ТУРНИР ӨТТІ

 

           "Су ресурстары-Маркетинг" ЖШС командасы шағын-футбол турнирінің қатысушысы болды. Жарысты ҚР Кәсіподақтар федерациясы ұйымдастырды. Турнирдің ашылу сәтінде Қазақстан Республикасының Әнұраны ойналып, Қазақстан Республикасы Кәсіподақтар Федерациясының төрағасы Сатыбалды Даулеталин және «Шымкент қаласының кәсіподақтар орталығы» аумақтық кәсіподақтар бірлестігінің төрағасы Бауыржан Әлтеев жарысқа қатысушыларды құттықтап, командаларға сәттілік тіледі. Содан кейін жарыстың Бас төрешілері сөз сөйлеп, турнирді өткізу ережелерімен таныстырып өтті. Тартысты жарыста республикалық және жергілікті кәсіподақ мүшелерінен жасақталған 7 команда бақ сынасты. Жарысқа ҚР Кәсіподақтар федерациясы атынан Астана қаласынан жол тартып келген «Кәсіподақтар федерациясы» командасы, Түркістан облыстық салалық білім және ғылым қызметкерлері кәсіподағынан «Достар» командасы, Теміржол әскери күзет салалық кәсіподағынан «ВЖДО» командасы, «SENIM» денсаулық сақтау жүйесі жұмыскерлердің салалық кәсіподағынан «Сенім» командасы, «YNTIMAQ» кәсіпкерлік жұмыскерлердің қазақстандық салалық кәсіподағынан «Shymkent BUS» командасы, Құрылыс кешені және тұрғын үй командалық шаруашылық саласынан «Су арнасы», Шымкент қалалық агроөнеркәсіптік кешені еңбеккерлері кәсіподағы қоғамдық бірлестігінің құрамындағы «Тілеу, Қызыл қия» командалары қатысты. Ойын бәсекесінде жарыстың жеңімпаздары анықталды. Бас жүлдені "тілеу, Қызыл Қия" командасы иеленсе, "кәсіподақтар Федерациясы" командасы екінші орын алса , үшінші орын түркістандық командаға бұйырды. "Су ресурстары-Маркетинг" ЖШС командасы төртінші болды. Жеңімпаздарды құттықтаймыз!