Жаңалық - Қазақстан жаңалықтары

новость от 13.10.2022

Су тарту ұңғымасындағы аварияға байланысты Алматы түбіндегі елдімекендер ауызсусыз қалды. «Асыл Арман» тұрғын үй кешенінің тұрғындары суға қатысты проблемалардан әбден шаршаған. Қазан айының басында да апта бойы тіршілік көзінен қағылған еді. Тұрғын үй кешенінде 25 мыңға жуық адам тұрады. Жөндеу жұмыстары жүргізіліп болғанша, шамамен 10 күн бойы олар жақын жердегі дүкендерден бөтелкедегі суды алып ішуге мәжбүр болды. Осындай келеңсіздіктерден қажыған тұрғындар жақын маңдағы Алматы-Бішкек тас жолын жауып, наразылығын білдірді. Сол-ақ екен, жөндеу жұмыстары тездетіліп, су тарту нысанында тағы бір ұңғыма орнатылды. Кейін анықталғанындай, нысан қабырғалары мен шатыры құлап, апат болған екен. Салдарынан желіге зақым келген. Бұл істі тексеруге Алматы облысының Қарасай аудандық прокуратурасы кіріскен.